وزارت خارجہ نے حج کی مناسک ادا کرنے کے لیے جانے والے شہریوں کے سفری سیزن کے لیے اپنی تیاری کی تصدیق کی ہے تاکہ سفر کے آسان تجربے کو یقینی بنانے کے لیے تمام ضروری طریقہ کار اور اقدامات اٹھائے جائیں نیز یہ کہ وزارت شہریوں کو چوبیس گھنٹے اہم خدمات فراہم کرنے کی خواہاں ہے۔
وزارت سفر کی پیشگی منصوبہ بندی کرنے اور وزارت کی ویب سائٹ یا اسمارٹ ایپلیکیشن پر ہر منزل کے مطابق سفری ہدایات کے صفحہ پر جا کر حجاج کے لیے انتہائی اہم ہدایات کا جائزہ لینے کی اہمیت پر زور دیتی ہے۔ ساتھ ہی ساتھ وزارت نے سفر سے پہلے حج پرمٹ جاری کرنے نیز ویکسینیشن کی مطلوبہ بنیادی خوراکیں، خاص طور پر "فلو ویکسینیشن" لینے کی ضرورت کی نشاندہی کی۔ جیسا کہ حج کے مناسک کی ادائیگی کے لیے ملکی بندرگاہوں سے نکلتے وقت ویکسی نیشن کارڈ پیش کرنا ضروری ہوتا ہے۔
جدہ میں متحدہ عرب امارات کے قونصل جنرل عالی ذی وقار ناصر بن ھویدین الکتبی نے سفارتی عملے اور وزارت میں متعلقہ ورک ٹیموں کو شہریوں کے مسائل پر 24 گھنٹے فالو اپ کرنے کے لیے تیار رہنے کا اشارہ دیا۔ اس کے علاوہ وزارت کی طرف سے ایک وفد کو متحدہ عرب امارات کے سرکاری حج وفد میں شرکت کے لیے بھی مختص کیا گیا ہے، جوکہ اسلامی امور اور اوقاف کی جنرل اتھارٹی سے وابستہ ہے۔ دریں اثناء وزارت کی ویب سائٹ www.mofa.gov.ae یا "UAEMOFA" اسمارٹ ایپلیکیشن کے ذریعے "My Tawajodi" سروس کے لیے رجسٹر کرنے کی اہمیت پر زور دیا گیا۔ جیسا کہ یہ خدمت وزارت کی ٹیم کو شہریوں کے ساتھ بات چیت کرنے اور ضروری مدد فراہم کرنے کے قابل بناتی ہے۔
سفر کے دوران اماراتی شہریوں کی حفاظت کو یقینی بنانے کے لیے وزارت خارجہ بیرون ملک تمام شہریوں کو چوبیس گھنٹے مدد فراہم کررہی ہے نیز ملک کے شہریوں کے لیے نامزد ایمرجنسی لائن سروس 0097180024 کے ذریعے یہ ہنگامی حالات سے نمٹ رہا ہے جن کا شہریوں کو سامنا ہو سکتا ہے۔ ساتھ ہی ساتھ ایک الیکٹرانک "واپسی دستاویز" جاری کرنے کی خدمت بھی دستیاب ہے، جس سے کہ متحدہ عرب امارات کے پاسپورٹ کے کھو جانے، نقصان پہنچنے یا ختم ہونے کی صورت میں شرائط کے ساتھ ملک سے باہر مقیم اماراتی شہری کو 30 منٹ سے بھی کم وقت میں دستاویز جاری کر دی جائیں گی۔