ایکشن گروپ ٹو ایڈوانس لائف سیونگ اینڈ پیس ان سوڈان (ALPS) نے 5 ستمبر کو اپنے ہفتہ وار ورچوئل سیشن کو جاری رکھا، جہاں اس دوران اس نے ہنگامی حالات میں انسانی ہمدردی کی رسائی کو بڑھانے اور بین الاقوامی انسانی قانون کا احترام کرنے پر توجہ مرکوز کی گئی۔
پچھلے ہفتے، ALPS گروپ کے تعاون سے، اور زمین پر انسان دوست ممثلین کے دلیرانہ اور انتھک کام کے ذریعے اندازا 300,000 لوگوں تک تقریبا 3,114 میٹرک ٹن سپلائی پہنچی ہے۔
ALPS کے وفد کے اراکین سوڈانی مسلح افواج اور تیز رفتار امدادی فورسز کو پورٹ سوڈان سے شندی کے راستے خرطوم تک زمینی رسائی کو بڑھانے کے ساتھ ساتھ خرطوم سے الابیض اور کوستی تک کی سڑکوں کو بڑھانے کی فوری کوشش میں مصروف عمل ہیں۔ واضح رہے کہ اس میں سنار کا راستہ بھی شامل ہے۔ مزید برآں ALPS کے وفود نے جنوبی سوڈان کے ساتھ اویل کراسنگ سمیت اضافی سرحدی گزرگاہیں کھولنے کا مطالبہ کیا ہے۔
ساتھ ہی ساتھ گروپ کے ارکان بھی سوڈانی مسلح افواج پر اس چیز کا دباؤ ڈالتے رہتے ہیں کہ وہ بامعنی انداز میں ایک آسان نوٹیفکیشن سسٹم کا اعلان کریں اور اسے نافذ کریں۔ دریں اثناء انہوں نے ریپڈ سپورٹ فورسز پر زور دیا کہ وہ اسے مکمل طور پر نافذ کریں، تاکہ بوجھل بیوروکریٹک رکاوٹوں کو آسان بنایا جا سکے جن کی وجہ سے سوڈانی جانیں روزانہ ضائع ہو رہی ہیں۔
25 ملین سے زیادہ لوگوں کو قحط اور شدید بھوک کا سامنا ہے، لہذا سوڈان میں انسانی ہمدردی کے سامان کی نقل و حرکت کی اجازت دینے کے لیے نوٹیفکیشن کافی ہونا چاہیے۔ کیونکہ کسی بھی طرح کی تاخیر سے جانیں ضائع ہو جائیں گی۔
ALPS گروپ نے اس بات کو تسلیم کیا کہ ریپڈ سپورٹ فورسز نے شہریوں کے تحفظ کے حوالے سے تمام فورسز کو ایک نئی ہدایت جاری کی ہے، چنانچہ یہ جوابدہی کے لیے اپنی وابستگی پر قائم ہے، نیز یہ عمل درآمد کی کڑی نگرانی کرے گا۔
ALPS گروپ نے کئی نازک علاقوں کی نشاندہی کی ہے جہاں RSF اور SAF کو فوری طور پر ظالمانہ کاموں کو کم کرنا چاہیے، بشمول الفاشر۔ کیونکہ یہ جدہ اعلامیہ میں دونوں فریقوں کی طرف سے کیے گئے وعدوں کے مطابق شہریوں کے تحفظ اور فوری ریلیف تک رسائی کو یقینی بنائے گا۔
وفد کے ارکان بین الاقوامی برادری کے ارکان سے اس چیز کا مطالبہ کرتے ہیں کہ وہ اس مقصد کو حاصل کرنے کے لیے دونوں اطراف پر دباؤ ڈالیں۔ اسی طرح سوڈان کے لوگوں کے مصائب کو کم کرنے اور بالآخر دشمنی کے خاتمے کے معاہدے کو حاصل کرنے کے لیے ALPS گروپ کے اراکین دوسرے بین الاقوامی شراکت داروں کے ساتھ مل کر کام کرنے کے لیے اپنے مشترکہ عزم کی تصدیق کرتے ہیں۔ ساتھ ہی ساتھ ان لوگوں نے ALPS پلیٹ فارم کے حصے کے طور پر سوڈانی خواتین کے ساتھ مشاورت جاری رکھنے کے اپنے عزم کی بھی توثیق کی۔
