اقوام متحدہ کی جنرل اسمبلی کی طرف سے 2026 کی اقوام متحدہ کی آبی کانفرنس کے طریقہ کار سے متعلق قرارداد کی متفقہ منظوری کا متحدہ عرب امارات نے آج خیر مقدم کیا۔
2026 میں مملکت میں منعقد ہونے والی اقوام متحدہ کی اس آبی کانفرنس کی میزبانی میں سینیگال کے ساتھ متحدہ عرب امارات حصہ لے رہا ہے۔ واضح رہے کہ اس کانفرنس کا مقصد بین الاقوامی برادری کو پائیدار ترقی کے اہداف کے ہدف 6 کے حصول کو تیز کرنے پر توجہ مرکوز کرنے اور سب کے لیے پانی اور صفائی ستھرائی کی دستیابی کو یقینی بنانے نیز اس کا پائیدار انتظام کرنے کی کوششوں کو تقویت دینے کے لیے ایک پلیٹ فارم فراہم کرنا ہے۔
صدر مملکت عزت مآب شیخ محمد بن زايد آل نهيان حفظه الله کی قیادت اور وژن کے مطابق، پانی کے عالمی بحران سے انسانیت کو درپیش چیلنجوں سے نمٹنے اور ان کا مقابلہ کرنے کے لیے بین الاقوامی ردعمل کو متحرک کرنے کے مقصد سے متحدہ عرب امارات بدستور اختراعی اور عملی حل تلاش کرنے کے لیے پرعزم ہے۔
یہ بات قابل توجہ ہے کہ متحدہ عرب امارات مستقبل کی نسلوں کی زندگیوں کو بہتر بنانے کے لیے پانی کے شعبے میں پائیدار عالمی کوششوں کو بڑھانے کے لیے تمام شراکت داروں کے ساتھ تعاون کرنے کا کا منتظر ہے۔
