متحدہ عرب امارات نے فلاڈیلفیا کراسنگ کے حوالے سے اسرائیلی الزامات اور جھوٹی باتوں کی مخالفت میں عرب جمہوریہ مصر کے ساتھ مکمل یکجہتی کا اظہار کیا۔ ساتھ ہی ساتھ اس سلسلے میں اس نے اسرائیل کے جارحانہ بیانات کی بھی شدید مذمت کی جو خطے کے استحکام کو خطرے میں ڈالتے ہیں نیز حالات کو مزید خراب کرتے ہیں۔
اپنے ایک بیان میں، وزارت خارجہ نے جنگ بندی کے حصول اور یرغمالیوں کی رہائی کے لیے عرب جمہوریہ مصر کے ساتھ ساتھ ہمسایہ ملک قطر اور دوست ملک امریکہ کی انتھک کوششوں کو خوب خوب سراہا۔ اس دوران وزارت نے اس امید کا بھی اظہار کیا کہ اس کا نتیجہ جنگ کے خاتمے کا باعث بنے گا، دوست فلسطینی عوام کو مزید مصائب سے بچائے گا نیز خطے میں استحکام کی بنیادوں کو مضبوط کرنے اور پائیدار سلامتی کے حصول میں کردار ادا کرے گا۔
متحدہ عرب امارات کی طرف سے ان تمام طریقوں کو مسترد کرنے پر زور دیتے ہوئے جو بین الاقوامی قانونی قراردادوں کی خلاف ورزی کرتے ہیں نیز جس سے مزید کشیدگی کا خطرہ ہے، وزارت نے اسرائیلی حکام سے اس بات کا مطالبہ کیا کہ وہ کشیدگی کو روکیں اور ایسے اقدامات نہ کریں جس سے خطے میں کشیدگی اور عدم استحکام بڑھے۔
وزارت نے مشرق وسطیٰ میں امن کے عمل کو آگے بڑھانے کے لیے تمام علاقائی اور بین الاقوامی کوششوں کی حمایت کرنے کے ساتھ ساتھ ان غیر قانونی طریقوں کو ختم کرنے کی اہمیت پر بھی زور دیا جو دو ریاستی حل تک پہنچنے اور ایک آزاد فلسطینی ریاست کے قیام کے لیے خطرہ ہیں۔
