ہم اس اہم کردار کو تسلیم کرتے ہیں جنھیں سوڈان کی خواتین امن کارکنوں، انسانی ہمدردی کے کارکنوں، ماہرین اور اپنی برادریوں کے ستون کے طور پر ادا کررہی ہیں۔
سوڈان میں امن کے حصول اور اسے برقرار رکھنے کے لیے خواتین کی شمولیت-ضروری - اور ناگزیر ہے۔ لہذا ہمیں سوڈانی خواتین کے خیالات اور سفارشات کو سننا چاہیے اور اگر ہم بامعنی نتائج حاصل کرنا چاہتے ہیں تو ان پر عمل درآمد کرنے کے لیے کام کرنا چاہیے۔ ہم یہاں مذکورہ بالا کامیاب اقدامات کو سراہتے ہیں جن کو افریقی یونین کے زیر اہتمام سوڈانی خواتین کے ساتھ نافذ کیا گیا تھا۔
سوڈانی خواتین سویلین ماہرین کے ایک متنوع گروپ کے ساتھ جو ہم نے ملاقاتیں کی ہیں ان کی وجہ سے ہم ایک مشترکہ مقصد کو فروغ دینے کے لیے پرعزم ہیں۔ اور وہ ہے سوڈان میں خواتین اور بچوں کو جس بحران کا سامنا ہے، اس سے نمٹنے کے ساتھ ساتھ ان کے مقاصد کو آگے بڑھانا اور ان مذاکرات کے مختلف راستوں کے ذریعے ان کی ضروریات کو پورا کرنا ہے۔ اسی طرح سے ہم تمام شہریوں بالخصوص خواتین اور بچوں کو ہر قسم کے تشدد سے بچانے کے لیے اپنی سفارتی کوششوں کو تیز کرنے کے لیے بھی پرعزم ہیں، بشمول تنازع کے دوران جنسی تشدد۔ اس وجہ سے، آج وفود نے ایک خصوصی گروپ قائم کیا ہے، جو کہ سوڈان میں خواتین کے خیالات اور سفارشات کو شامل کرنے کو ترجیح دے گا۔
چنانچہ ہم "سوڈان میں زندگی بچانے اور امن کو فروغ دینے کے لیے پرعزم" پلیٹ فارم کے اندر سوڈانی خواتین کے ساتھ اپنی مشاورت کو بھی جاری رکھیں گے تاکہ ان کی آواز کو مضبوط کیا جاسکے، کیونکہ ہم سوڈان کے کونے کونے میں امن اور خوشحالی کے مستقبل کے لیے کام کر رہے ہیں۔
