پیرس میں متحدہ عرب امارات کے سفارت خانے نے ایک ایسی شراکت داری کے ذریعے 2024 فائن آرٹس نمائش میں شرکت کی جو فوٹو گرافی کے میدان میں متعدد اماراتی فنکاروں کے کام کو نمایاں کرتی ہے۔
1864 میں اپنے قیام کے بعد سے، فنون لطیفہ کی نمائش ایک نمایاں فنکارانہ تقریب رہی ہے جو فنون لطیفہ میں روایت اور جدت کا ماحول پیش کرتی ہے۔ جیسا کہ اس میں سالانہ تقریباً 12,000 زائرین کو راغب ہوتے ہیں۔ چنانچہ اس میں ثقافتی ماہرین کی ایک کمیٹی کے ذریعہ منتخب کردہ 80 ممتاز فنکاروں کے کام شامل ہیں۔
فرانسیسی جمہوریہ کے صدر کی زیر سرپرستی، یہ نمائش - جس کا اس سال کا ایڈیشن 20 جون کو فرانسیسی سینیٹ سے منسلک لورانجری ہیڈ کوارٹر میں شروع ہوا - فنکارانہ کاموں کے تنوع کو اجاگر کرنے کے میں جاری و ساری ہے، جس میں فوٹو گرافی، نقاشی، فنکارانہ تنصیبات، پینٹنگز اور دیگر کے شعبوں میں 100 سے زیادہ کام پیش کیے گئے ہیں۔
نمائش کے اس سال کا یہ ایڈیشن پانچ اماراتی فوٹوگرافروں کے کاموں کی شرکت کے ساتھ امتازیت کی خصوصیت کا حامل ہے۔ اور وہ ہیں: کریمہ الشمولی، فاطمہ البدور، فیصل الریس، علا اللوز، اور جلال جمال بن ثنیہ۔ واضح رہے کہ اس قدیم فنکارانہ تقریب میں اماراتی فنکاروں کی اپنی نوعیت کی یہ پہلی شرکت ہے۔
نمائش کی مہمان کمیٹی نے فوٹوگرافر کریمہ شوملی کو ان کی فنکارانہ مہارت کے اعتراف میں انھیں چاندی کے تمغے سے نوازا۔
چنانچہ اس موقع پر جمہوریہ فرانس میں متحدہ عرب امارات کی سفیر محترمہ ہند العتیبہ نے کہا کہ ڈیڑھ صدی سے زائد عرصے سے ثقافتی علامت کی حیثیت رکھنے والی فائن آرٹس نمائش میں پہلی بار اماراتی فنکاروں کی شرکت اماراتی فنکاروں کی اعلیٰ سطح اور تخلیقی صلاحیتوں کا زندہ ثبوت ہے۔
آپ نے مزید کہا: "ثقافتی مکالمے کو بڑھانے اور فرانسیسی عوام اور بین الاقوامی زائرین کو ان باصلاحیت فنکاروں کے تصورات کے ذریعے اماراتی فنون و ثقافت سے متعارف کرانے میں اس تعاون سے میں خوش ہوں۔
ثقافت کے ساتھ ہماری وابستگی ہمارے سفارتی سفر کا ایک لازمی حصہ ہے، کیونکہ ہم یہ سمجھتے ہیں کہ فن ثقافتوں کے درمیان افہام و تفہیم اور مکالمے کے وسائل پیدا کرنے میں اہم کردار ادا کرتا ہے۔"
فائن آرٹس گیلری کی ڈائریکٹر ازابیل لاسن نے اپنی جانب سے کہا: "پہلی بار متحدہ عرب امارات کے فنکاروں کا خیرمقدم کرنے پر ہمیں فخر ہے، جو نمائش کو اپنی منفرد صلاحیتوں سے مالا مال کررہے ہیں۔
چنانچہ اس تعاون سے متحدہ عرب امارات کے بھرپور فنکارانہ ورثے کے لیے ہماری گہری قدر و منزلت اجاگر ہوتی ہے۔ مزید برآں اس سے متنوع ثقافتی کاموں کو منانے کے لیے ہمارے عزم کو بھی تقویت ملتی ہے۔"
