صدر مملکت عزت مآب شیخ محمد بن زاید آل نھیان حفظه الله کو دوست ملک دولت قطر کے امیر عزت مآب شیخ تمیم بن حمد آل ثانی کا تحریری پیغام موصول ہوا۔ واضح رہے کہ اس میں ایشین کوآپریشن ڈائیلاگ کے تیسرے سربراہی اجلاس میں عالی ذی وقار کو شرکت کی دعوت دی گئی جو اگلے اکتوبر میں دوحہ میں منعقد ہوگا۔
چنانچہ ابوظہبی میں وزارت خارجہ کے جنرل آفس میں وزیر مملکت محترم جناب احمد بن علی الصایغ نے کل متحدہ عرب امارات میں دوست ملک دولت قطر کے سفیر محترم ڈاکٹر سلطان بن سلمان المنصوری سے ملاقات کے دوران اس پیغام کو وصول کیا۔
اس ملاقات کے دوران دوستانہ تعلقات کے امکانات اور دونوں ممالک کے درمیان مختلف شعبوں میں تعاون اور مشترکہ کام کو بڑھانے کے طریقوں کا جائزہ لیا گیا جس سے کہ دونوں دوست ممالک کے باہمی مفادات کے حصول اور ان کے عوام کو فائدہ پہنچے۔
