سلطنت عمان میں وادی الکبیر کے علاقے میں ایک مسجد کے قریب پیش آنے والے فائرنگ کے واقعے کی متحدہ عرب امارات نے شدید مذمت کی ہے۔ واضح رہے کہ اس کی وجہ سے کئی بے گناہ افراد ہلاک اور زخمی ہوئے ہیں۔ ساتھ ہی ساتھ مملکت نے وہاں کی سلامتی اور استحکام کے تحفظ کے لیے سلطنت کی طرف سے اٹھائے گئے تمام اقدامات کے ساتھ اپنی یکجہتی کا اظہار کیا ہے۔
اپنے ایک بیان میں وزارت خارجہ نے اس بات کی تصدیق کی ہے کہ متحدہ عرب امارات ان مجرمانہ کارروائیوں کی شدید مذمت کرتا ہے نیز ہر قسم کے تشدد کو مستقل طور پر مسترد کرتا ہے جس کا مقصد سلامتی اور استحکام کو غیر مستحکم کرنا ہے۔ اور جو عوام کی زندگیوں کو خطرے میں ڈالتا ہے اور بین الاقوامی قوانین سے متصادم ہے۔
مزید برآں مملکت نے سلطنت عمان، وہاں کے دوست عوام نیز اس گھناؤنے جرم کے نتیجے میں ہلاک ہونے والوں کے خاندانوں اور اہل خانہ کے ساتھ اپنی دلی تعزیت اور ہمدردی کا اظہار کیا، نیز تمام زخمیوں کی جلد صحت یابی کی تمنا ظاہر کی۔
