سوڈان میں انسانی بحران سے نمٹنے کے لیے بڑے تعاون کے حصے کے طور پر، متحدہ عرب امارات نے عالمی ادارہ صحت کے لیے 8 ملین ڈالر مختص کیے۔ واضح رہے کہ یہ معاہدہ، جس پر جنیوا میں ڈبلیو ایچ او کے ہیڈ کوارٹر میں دستخط کیے گئے، سوڈان میں صحت کے اہم اقدامات کو فنڈ فراہم کرے گا۔ چنانچہ اس کا مقصد دوست سوڈانی عوام کو درپیش سخت حالات کا خاتمہ کرنا ہے۔
جنیوا میں عالمی ادارہ صحت کے ہیڈ کوارٹر نیز معاون وزیر برائے سیاسی امور محترمہ لانا ذکی نسیبہ کی موجودگی میں متحدہ عرب امارات کی جانب سے ترقی اور بین الاقوامی تنظیموں کے معاون وزیر خارجہ سلطان الشامسی اور عالمی ادارہ صحت کی جانب سے تنظیم کے ڈائریکٹر جنرل ڈاکٹر ٹیڈروس اذانوم گیبریئس نے اس معاہدے پر دستخط کیے۔
واضح رہے کہ یہ شراکت عالمی انسانی امداد کے لیے متحدہ عرب امارات کے وسیع تر عزم کا حصہ ہے، جس سے تنازعات سے متاثرہ علاقوں میں صحت کی بنیادی خدمات فراہم کرنے کے لیے عالمی ادارہ صحت کی کوششوں کو حمایت حاصل ہوتی ہے۔
مندرجہ بالا خاص کردہ رقم کا ہدف خاص طور پر صحت کی دیکھ بھال کے بنیادی ڈھانچے، ہنگامی ردعمل کی صلاحیتیں، اور بیماریوں سے بچاؤ کے پروگرامز ہیں۔
محترمہ لانا زکی نسیبہ نے کہا: "عالمی ادارہ صحت سوڈان میں جو کام کر رہا ہے اس سے ہر روز جان بچتی ہے۔ اور ہم سمجھتے ہیں کہ اس جاری مشن کی حمایت ضروری ہے۔
متحدہ عرب امارات اور عالمی ادارہ صحت کے درمیان دیرینہ شراکت داری ہے، جس نے پورے خطے میں بحرانی حالات میں لوگوں کو فائدہ پہنچایا ہے۔ اور ہم دوست سوڈانی عوام کے ساتھ یکجہتی کے لیے پرعزم ہیں۔
اپنی طرف سے، ڈاکٹر ٹیڈروس اذانوم گریبیسس نے کہا: " ڈبلیو ایچ او، شراکت داروں اور عطیہ دہندگان کے تعاون سے،سوڈان کے لوگوں اور پڑوسی ممالک میں پناہ گزینوں کی صحت کی فوری ضروریات کی حمایت جاری رکھے گا۔
اس فراخدلانہ عہد کے لیے ہم متحدہ عرب امارات کے شکر گزار ہیں۔ ہمارے لئے ضروری ہے کہ ہم سب سے زیادہ ضرورت مندوں کی زندگیوں کے تحفظ کے لیے مل کر کام کریں۔
وزارت برائے عالمی صحت میں متحدہ عرب امارات کا تعاون 70 ملین ڈالر کے وسیع عزم کا حصہ ہے جو سوڈان میں اقوام متحدہ کی ایجنسیوں اور انسانی ہمدردی کی تنظیموں کے ذریعے فوری انسانی ضروریات کو پورا کرنے کے لیے وقف ہے۔ چنانچہ یہ فنڈنگ متحدہ عرب امارات کے 100 ملین ڈالر کے وعدے کے ایک بڑے حصے کی نمائندگی کرتی ہے جس کا اعلان اس نے اپریل میں "سوڈان اور پڑوسی ممالک کے لیے بین الاقوامی انسانی کانفرنس" میں شرکت کے دوران کیا تھا۔ واضح رہے کہ اس تعاون سے سوڈان کو گزشتہ دس سالوں میں متحدہ عرب امارات کی کل امداد 3.5 بلین ڈالر سے زیادہ ہو گئی ہے۔
