متحدہ عرب امارات نے مملکت سعودی عرب اور امریکہ کے اس اعلان کا خیرمقدم کیا ہے، جس میں جدہ میں سوڈانی مسلح افواج اور ریپڈ سپورٹ فورسز کے نمائندوں نے عزم کے ایک اعلامیے پر دستخط کیے ہیں۔
اس اعلامیے پر دستخط کا مقصد، سوڈان میں بین الاقوامی انسانی قانون کے مطابق شہریوں کی حفاظت کی جا سکے، اور امدادی کاموں میں آسانی ہو اور شہریوں کی فوری ضروریات کو پورا کیا جا سکے۔
ایک بیان میں، وزارت خارجہ اور بین الاقوامی تعاون (MOFAIC) نے اس اعلامیے پر دستخط کرنے میں سہولت فراہم کرنے کے لیے مملکت سعودی عرب اور امریکہ کی کوششوں کو سراہا ہے، اور جس کا مقصد امدادی سامان اور انسانی امداد کی ترسیل کو قابل بنانے کے لیے دس دن کی جنگ بندی کا بندوبست کرنا، اور فریقین کے درمیان تنازعہ کو ختم کرنے اور سوڈانی عوام کو مزید مصائب سے بچانے کے لیے کوششوں کو آگے بڑھانا ہے۔
وزارت نے امید ظاہر کی کہ یہ قدم متاثرہ علاقوں میں امدادی اور انسانی امداد کی آمد کو آسان بنانے میں معاون ثابت ہو گا،اور خاص طور پر سب سے زیادہ کمزور اور مستحق گروہوں اور افراد کے لیے، جن میں بیمار، بچے، بوڑھے اور خواتین شامل ہیں، نیز سوڈانی عوام کے مفادات کو پورا کرنے کے لیے اور سوڈان میں مطلوبہ سیاسی استحکام اور سلامتی تک پہنچنے کے لیے مستقل جنگ بندی کو یقینی بنانا مقصود ہے ۔
