صدر مملکت نے جارجیا کے سفیر کو تمغہ آزادی سے کیا سرفراز

صدر مملکت عزت مآب شیخ محمد بن زايد آل نهيان حفظه الله نے متحدہ عرب امارات میں جمہوریہ جارجیا کے سفیر عالی ذی وقار باٹا كالاندادزه کو فرسٹ کلاس آرڈر آف انڈیپنڈنس سے سرفراز کیا۔ واضح رہے کہ یہ ملک میں ان کے کام کے دوران کی جانے والی ان کوششوں کو سراہنے کے طور کیا گیا جس نے دونوں دوست ممالک کے درمیان مختلف شعبوں میں تعلقات کو فروغ دینے اور مضبوط بنانے میں اہم کردار ادا کیا۔

وزیر مملکت عزت مآب احمد بن علی الصایغ نے ابوظہبی میں وزارت خارجہ کے ديوان عام میں اپنے استقبالیہ کے دوران سفیر محترم کو تمغہ پیش کیا۔ چنانچہ اس ملاقات کے دوران عزت مآب نے جارجیا کے ساتھ ہر سطح پر تعلقات کو مضبوط بنانے کے لیے متحدہ عرب امارات کی خواہش کی تاکید کی۔ ساتھ ہی ساتھ آپ نے ملک میں ان کام کے سالوں کے دوران دوطرفہ تعاون کو آگے بڑھانے میں محترم سفیر کے کردار کو خوب سراہا۔ اسی طرح مزید کامیابی کے تئیں اپنی خواہشات کا اظہار کرتے ہوئے آپ نے ان کی جانب سے کی جانے والی کوششوں کے لئے اپنے شکریہ کا اظہار کیا۔ 

ملک کی حیثیت کو بلند کرنے اور بین الاقوامی برادری میں اس کی ساکھ کو بڑھانے کے لیے قیادت کی خواہش اور عزائم کی عکاسی کرنے والی متحدہ عرب امارات کی طرف سے حاصل کردہ کامیابیوں کا ذکر کرتے ہوئے اپنی جانب سے عزت مآب محترم جناب كالاندادزه نے صدر مملکت عزت مآب شیخ محمد بن زايد آل نهيان حفظه الله کا تہ دل سے شکریہ ادا کیا۔ مزید برآں سفیر محترم نے ملک کے تمام سرکاری اداروں کی جانب سے کی جانے والی کوششوں کا بھی شکریہ ادا کیا جن کا دونوں دوست ممالک کے درمیان تعلقات کو مستحکم کرنے کے لئے ان کے مشن کی کامیابی پر مثبت اثر رہا ہے۔