وزارت خارجہ اور بین الاقوامی تعاون (MOFAIC) اور ابوظہبی انوسٹمنٹ آفس (ADIO) نے غیر ملکی سرمایہ کاری کو راغب کرنے اور صلاحیت سازی میں تعاون کو فروغ دینے کے لیے مفاہمت کی ایک یادداشت پر دستخط کیے ہیں۔
دونوں اداروں نے متحدہ عرب امارات کے پروفائل کو تجارت اور سرمایہ کاری کے لیے ایک مثالی منزل کے طور پر اور بنیادی طور پر متحدہ عرب امارات کے اندر سرمایہ کاری کے مواقع کو فروغ دینے اور سہولت فراہم کرنے کے لیے بیرونِ ملک متحدہ عرب امارات کے مشنز کی کوششوں میں اضافہ کرنے پر اتفاق کیا۔
ایم او یو بیرون ملک اپنے سفارتی مشنوں کے ذریعے تجارت اور سرمایہ کاری کے اجلاسوں میں سہولت فراہم کرنے کے لیے وزارت خارجہ اور بین الاقوامی تعاون MoFAIC کے لیے ایک فریم ورک مرتب کرتا ہے،تاکہ معلومات و تجربات کے تبادلے میں اضافہ کیا جائے اور سرمایہ کاری اور تجارت کے فروغ کے شعبے میں سفارتی کور کی صلاحیتوں کو فروغ دیا جا سکے ۔
ابوظہبی انوسٹمنٹ آفس ADIO نے اماراتی سفارت کاروں کے لیے وقف کردہ ورکشاپس کے سلسلے میں شرکت کا بھی عہد کیا، یہ ابوظہبی کے سرمایہ کاری کے ماحول اور ترجیحی صنعت کے شعبوں کا جائزہ فراہم کرنے کے لیے متحدہ عرب امارات کے اسٹیک ہولڈرز اور اداروں کے تعاون سے ترتیب دیا گیا تھا۔
محترم ڈاکٹر عبدالناصر الشالی، جمہوریہ ہند میں متحدہ عرب امارات کے سفیر نے کہا:
"یہ ایم او یو ایک انتہائی اہم وقت پر سامنے آیا ہے جو متحدہ عرب امارات کے اقتصادی سفارت کاری کے مقاصد کی حمایت کے لیے متحدہ عرب امارات کے اندر وزارت خارجہ اور بین الاقوامی تعاون MoFAIC اور سرمایہ کاری کو فروغ دینے والے سرکردہ اداروں کو اکٹھا کر رہا ہے۔
یہ ایم او یو اماراتی سفارت کاروں کو ابوظہبی انوسٹمنٹ آفس ADIO کے نیٹ ورکس اور تجربات کو اپنی تجارت اور سرمایہ کاری کے فروغ کے ہنر کو مضبوط بنانے کے قابل بنائے گا۔ اور ساتھ ہی ساتھ متحدہ عرب امارات کے کاروباری ماحول کے بارے میں ان کے علم میں اضافہ کرنے میں مدد کرے گا ۔مجھے پختہ یقین ہے کہ یہ ایم او یو وزارت خارجہ اور بین الاقوامی تعاون (MOFAIC) اور ابوظہبی انوسٹمنٹ آفس (ADIO) کے ساتھ اسٹریٹجک شراکت داری کو مزید گہرا کرے گا اور بالآخر بیرون ملک متحدہ عرب امارات کے مشنوں کی صلاحیتوں میں اضافہ کرے گا۔ "
انجینئر عبداللہ الشمسی ابوظہبی انوسٹمنٹ آفس کے قائم مقام ڈائریکٹر جنرل نے اس اقدام کا خیرمقدم کیا اور کہا:
" ابوظہبی انوسٹمنٹ آفس (ADIO) دنیا بھر کی کمپنیوں کے لیے ایک اعلیٰ کاروباری مقام کے طور پر ابوظہبی کی پوزیشن کو مزید مستحکم کرنے کے لیے مل کر کام کرتے ہوئے وزارت خارجہ اور بین الاقوامی تعاون (MOFAIC) کے ساتھ اپنی شراکت داری کو بڑھانے کے لیے پرجوش ہے۔وزارت خارجہ اور بین الاقوامی تعاون (MOFAIC) اور ابوظہبی انوسٹمنٹ آفس (ADIO) اسی طرح ہمارے مشن کے ساتھ منسلک ہیں تاکہ عالمی کمپنیوں کو متحدہ عرب امارات میں کاروبار کرنے کے فوائد سے آگاہ کیا جا سکے، اور یہ معاہدہ سرمایہ کاروں کی مدد کے لیے ہماری اجتماعی کوششوں کی تکمیل کرے گا۔ "
اس ایم او یو پر کامیاب دستخط اس وقت ہوئے جب وزارت خارجہ اور بین الاقوامی تعاون MoFAIC نے اپنی "انوسٹ ایمیریٹس" ویب سائٹ کو ایمریٹی سطح کے IPAs، چیمبرز آف کامرس، بیرون ملک متحدہ عرب امارات کے مشنز، اور غیر ملکی سرمایہ کاروں کو متحدہ عرب امارات کے اسٹریٹجک اور بڑھتے ہوئے اقتصادی شعبوں میں اضافی سرمایہ کاری کو راغب کرنے کے مقصد سے اور اس کو مربوط کرنے والے فوکل پوائنٹ میں بڑھایا ہے ۔
