متحدہ عرب امارات نے شمالی عراق میں کردستان کے علاقے کو نشانہ بنائے جانے والےحملے کی شدید مذمت کی ہے، جس کے نتیجے میں کئی ہلاکتیں اور معتدد افراد زخمی ہوئے ہیں ۔
وزارت خارجہ (MOFAIC) نے ایک بیان میں کہا کہ متحدہ عرب امارات، عراق کی طرف سے اپنی خودمختاری، سلامتی اور استحکام کے تحفظ کے لیے کیے گئے تمام اقدامات کے ساتھ یکجہتی کا اظہار کرتا ہے، اور ملک میں سلامتی اور استحکام کے قیام کی کوششوں کے لیے اپنی حمایت پر بھی زور دیتا ہے۔
وزارت نے جمہوریہ عراق کی حکومت اور عوام اور متاثرین کے اہل خانہ کے ساتھ اپنی دلی تعزیت اور ہمدردی کا اظہار کیا اور تمام زخمیوں کی جلد صحت یابی کیلئے دعا اور نیک خواہشات کا اظہار کیا ہے۔
