ہم آج متحدہ عرب امارات کی سرزمین پرحوثی ملیشیا کےشہری علاقوں اورتنصیبات کو نشانہ بنانےکی مذمت کرتےہیں۔ ہم اس بات کا اعادہ کرتےہیں کہ ہمارے ملک کواس غیر قانونی نشانہ بنانےکےذمہ داروں کا احتساب کیا جائےگا۔
ایک بیان میں وزارت خارجہ اوربین الاقوامی تعاون نےکہا کہ متحدہ عرب امارات ان مجرمانہ اوربڑھتے دہشت گردانہ حملوں کا جواب دینےکا حق محفوظ رکھتا ہےاورانہیں بین الاقوامی قانون کی صریحاً خلاف ورزی کےطورپربیان کیا گیا ہے۔
وزارت نےکہا کہ دہشت گرد ملیشیا نےاپنےغیرقانونی مقاصد کےحصول کےلیےخطےمیں دہشت گردی اورافراتفری پھیلانےکےلیےایک بزدلانہ کارروائی کی ہےاورعالمی برادری سےمطالبہ کیا کہ وہ ان دہشت گردانہ کارروائیوں کی شدید مذمت اوراحتجاج کرے جو شہریوں اورشہری تنصیبات کو نشانہ بناتے ہیں۔
وزارت خارجہ اوربین الاقوامی تعاون نےبھی متاثرین اورمرنےوالوں کےاہل خانہ سےدلی تعزیت کا اظہار کیا اورزخمیوں کی جلد صحت یابی کےلیےدعا کی۔
