شیخ عبداللہ بن زاید کی شامی وزیر خارجہ سے ٹیلیفونک گفتگو

نائب وزیر اعظم اور وزیر خارجہ عزت مآب شیخ عبداللہ بن زاید النہیان نے شامی عرب جمہوریہ کی تازہ ترین صورتحال پر شامی عبوری حکومت کے وزیر خارجہ اسعد حسن الشبانی سے ٹیلیفونک گفتگو کی۔

دونوں رہنماؤں نے دونوں ممالک اور اقوام کے درمیان مضبوط برادرانہ تعلقات کو مزید فروغ دینے اور مشترکہ دلچسپی کے شعبوں میں تعاون بڑھانے کے طریقوں پر تبادلہ خیال کیا۔

الشیبانی سے گفتگو کے دوران شیخ عبداللہ بن زاید نے شام کی وحدت، سالمیت اور خودمختاری کو برقرار رکھنے کی اہمیت پر زور دیا۔

انہوں نے اس بات کو بھی دہرایا کہ متحدہ عرب امارات تمام ایسے اقدامات کی حمایت کرتا ہے جو ایک جامع اور مکمل عبوری مرحلے کو یقینی بنائیں، جو شامی عوام کی استحکام اور ترقی کی امنگوں کو پورا کرے۔ انہوں نے اس بات پر زور دیا کہ شام کے عوام میں ایک خوشحال مستقبل کے لیے امید بحال کرنا انتہائی اہم ہے۔