UNRWA کی سرگرمیوں پر پابندی سے متعلق کنیسیٹ کے فیصلے کی متحدہ عرب امارات نے بیان کی مذمت

متحدہ عرب امارات نے فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی (UNRWA) کے کام پر پابندی لگانے سے متعلق دو قوانین کی اسرائیلی پارلیمنٹ (کنیسیٹ) کی منظوری کی شدید مذمت کی ہے۔ واضح رہے کہ وہ دونوں قوانین ایجنسی کو مشرقی یروشلم سمیت مقبوضہ فلسطینی سرزمین میں ضروری کام کرنے پر پابندی لگارہے ہیں۔

متحدہ عرب امارات نے دوست فلسطینی عوام کو انسانی ہمدردی کی بنیاد پر امداد فراہم کرنے میں ایجنسی کے فعال اور اہم کردار پر زور دیا، خاص طور پر غزہ پر جاری جنگ کے نتیجے میں پیدا ہونے والے ان مشکل حالات میں جن سے وہ گزر رہے ہیں۔

اپنے ایک بیان میں وزارت خارجہ نے اس بات کی تصدیق کی ہے کہ یہ فیصلہ اقوام متحدہ کے چارٹر اور بین الاقوامی اصولوں کی دفعات سے متصادم ہے، نیز اس سے سنگین اور بگڑتی ہوئی انسانی صورتحال میں مزید اضافہ ہو گا۔ اس دوران وزارت نے UNRWA اور اقوام متحدہ کی دیگر تنظیموں اور ایجنسیوں پر زور دیا کہ وہ ضرورت مندوں کو فوری طور پر، محفوظ طریقے سے اور بغیر کسی رکاوٹ کے انسانی امداد پہنچانے میں اپنا کردار ادا کریں۔

علاوہ ازیں، وزارت نے مشرق وسطیٰ میں امن کے عمل کو آگے بڑھانے کے لیے تمام علاقائی اور بین الاقوامی کوششوں کی حمایت کرنے کے ساتھ ساتھ ان غیر قانونی طریقوں کو ختم کرنے کی ضرورت پر زور دیا جو دو ریاستی حل نیز ایک آزاد فلسطینی ریاست کے قیام کے لیے خطرہ ہیں۔ ساتھ ہی ساتھ وزارت نے امن اور انصاف کے فروغ دینے نیز دوست فلسطینی عوام کے حقوق کے تحفظ کے لیے متحدہ عرب امارات کے اثبات اور عزم کی بھی تجدید کی۔