اسرائیلی حکام کی جانب سے UNRWA کے ہیڈ کوارٹر کو ضبط کرنے کے اعلان کی متحدہ عرب امارات نے بیان کی مذمت

متحدہ عرب امارات نے اسرائیلی حکام کی طرف سے مقبوضہ مشرقی یروشلم میں فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی (UNRWA) کے ہیڈ کوارٹر کو ضبط کرنے، اس کی سرگرمیاں بند کرنے نیز اس کی جگہ ایک بستی کے قیام کے اعلان کی شدید مذمت کی ہے۔ چنانچہ اس دوران اس نے مقبوضہ فلسطینی سرزمین میں موجودہ تاریخی اور قانونی صورت حال کو تبدیل کرنے کے لیے تمام اقدامات کو مسترد کرنے کا اظہار کیا۔
وزیر مملکت برائے بین الاقوامی تعاون محترمہ ریم بنت ابراہیم الہاشمی نے متحدہ عرب امارات کی طرف سے مقبوضہ فلسطینی علاقے میں انسانی ہمدردی کے ہیڈ کوارٹرز کو ضبط کرنے یا ان پر حملہ کرنے، یا ان کے کارکنوں کی زندگیوں کو خطرے میں ڈالنے کے دوٹوک رد عمل کا اظہار کیا۔ اس کے ساتھ ساتھ آپ نے فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی (UNRWA) کی جانب سے برادر فلسطینی عوام کی حمایت اور اسرائیلی قبضے کے تحت مشکل انسانی حالات کا مقابلہ کرنے کے لیے کی جانے والی کوششوں کو خوب خوب سراہا۔
محترمہ نے مشرق وسطیٰ میں امن کے عمل کو آگے بڑھانے کے لیے تمام علاقائی اور بین الاقوامی کوششوں کی حمایت کرنے کے ساتھ ساتھ ان غیر قانونی طریقوں کو ختم کرنے کی ضرورت پر زور دیا جو دو ریاستی حل اور ایک آزاد فلسطینی مملکت کے قیام کے لیے خطرہ ہیں۔ دریں اثناء آپ نے امن اور انصاف کے فروغ اور دوست فلسطینی عوام کے حقوق کے تحفظ کے لیے متحدہ عرب امارات کے اثبات اور عزم کی بھی تجدید کی۔