متحدہ عرب امارات اور بارباڈوس کے درمیان سرمایہ کاری کو فروغ دینے اور تحفظ کے ایک معاہدے پر ہوا دستخط

متحدہ عرب امارات اور بارباڈوس کے درمیان سرمایہ کاری کو فروغ دینے اور اس کے تحفظ کے لیے ایک معاہدے پر دستخط کیا گیا۔ چنانچہ اس معاہدے پر متحدہ عرب امارات کی وزیر مملکت برائے بین الاقوامی تعاون کے امور کی محترمہ ریم بنت ابراہیم الہاشمی نے جبکہ  بارباڈوس کی طرف سے خارجہ امور اور غیر ملکی تجارت کے وزیر عالی ذی وقار کیری سائمنڈز نے دستخط کئے۔ 
اقوام متحدہ کے فریم ورک کنونشن آن کلائمیٹ چینج (COP28) کے فریقین کی کانفرنس کے دوران اس معاہدے کا تبادلہ کیا گیا، جس کہ سرگرمیاں ایکسپو سٹی دبئی میں جاری وساری ہیں۔ چنانچہ سرمایہ کاری کے فروغ اور تحفظ کے اس معاہدے کا مقصد سرمایہ کاروں کے اعتماد اور سرمایہ کاری کو بڑھانا اور دونوں ممالک کے درمیان اقتصادی اور تجارتی تعلقات کو مستحکم کرنا ہے۔
مزید برآں محترمہ کی بارباڈوس کی وزیر اعظم محترمہ میا موٹلی سے بھی ملاقات ہوئی۔ چنانچہ فریقین نے دونوں ممالک کے درمیان بڑھتے ہوئے دوطرفہ تعلقات کو خوب سراہا، نیز آپ دونوں نے سرمایہ کاری کے ماحول کو  آگے بڑھا کر، سرکاری اور نجی شعبوں کے درمیان تجربات کے تبادلے کے ذریعے تجارتی اور اقتصادی تعلقات قائم کرنے کی اہمیت پر زور دیا۔
دونوں فریقوں نے ذمہ دارانہ اور ماحولیات کے حوالے سے باشعور سرمایہ کاری کی اہمیت کو بھی اجاگر کیا۔ 
محترمہ ریم الہاشمی نے (COP28) کے امور میں شرکت اور اسے ایک کامیاب ایونٹ بنانے میں اس کے تعاون پر جمہوریہ بارباڈوس کا شکریہ ادا کیا۔
محترمہ موٹلی نے گلوبل کلائمیٹ ایکشن سمٹ میں شرکت کی، جوکہ COP28 کانفرنس کی سرگرمیوں کے دوران منعقد ہوئی تھی۔