عبداللہ بن زاید نے جرمن وزیر خارجہ کا کیا استقبال……..دونوں نے خطے میں ہونے والی پیش رفت اور دونوں ممالک کے درمیان اسٹریٹجک شراکت داری سے متعلق تبادلہ کیا خیال

وزیر خارجہ عزت مآب شیخ عبداللہ بن زاید آل نھیان اور وفاقی جمہوریہ جرمنی کی وزیر خارجہ، محترمہ اینالینا بیربوک نے مشرق وسطیٰ کے خطے میں ہونے والی پیشرفت اور ان کے سلامتی اور انسانی ہمدردی کے اثرات سے متعلق تبادلہ خیال کیا۔
یہ معاملہ آج ابوظہبی میں ایک ورکنگ ڈنر کے موقع پر عالی ذی وقار کے محترمہ اینالینا بیربوک کے استقبال کے دوران وقوع پذیر ہوا۔ اس دوران کشیدگی کو کم کرنے اور خطے کی صورتحال کو پرسکون کرنے کی کوششوں پر گفتگو کی گئی۔ 
عزت مآب اور عالی ذی وقار اینالینا بیرباک نے شہریوں تک انسانی امداد کو محفوظ اور پائیدار طریقے سے پہنچانے کے لیے کی جانے والی علاقائی اور بین الاقوامی کوششوں پر تبادلہ خیال کیا جس سے ان کی فوری ضرورتوں کو پورا کیا جاسکے نیز وہ ان کے مصائب کو دور کرنے میں معاون ہو۔
عزت مآب شیخ عبداللہ بن زايد آل نهيان نے تمام شہریوں کی زندگیوں کے تحفظ اور غزہ کے لوگوں کی ضروریات کے لیے انسانی ہمدردی کی بنیاد پر ردعمل کو بڑھانے کی ترجیح پر زور دیا۔
عالی ذی وقار نے خطے میں انتہا پسندی، کشیدگی اور بڑھتے ہوئے تشدد کے خاتمے کے لیے بین الاقوامی برادری کی کوششوں کو تقویت دینے کی اہمیت کی بھی نشاندہی کی۔کیونکہ اس کے علاقائی اور عالمی امن و استحکام پر سنگین اثرات مرتب ہوں گے۔
ایک متعلقہ سیاق و سباق میں، عزت مآب شیخ عبدالله بن زايد آل نهيان اور محترمہ اینالینا بیربوک نے متحدہ عرب امارات اور وفاقی جمہوریہ جرمنی کے درمیان جامع اسٹریٹجک شراکت داری کے فریم ورک کے اندر دو طرفہ تعاون کے ذرائع پر بھی تبادلہ خیال کیا۔
آپ دونوں نے متعدد شعبوں میں اماراتی-جرمن تعاون کے امکانات کا جائزہ لیا، جن میں اقتصادی، تجارتی، سرمایہ کاری، خوراک کی حفاظت، جدید سائنس اور ٹیکنالوجی کے ساتھ ساتھ آب و ہوا بھی شامل ہے۔ واضح رہے کہ یہ اس ماہ ایکسپو سٹی دبئی میں اقوام متحدہ کے فریم ورک کنونشن آن کلائمیٹ چینج (COP28) کے فریقین کی کانفرنس کے فریم ورک کے ضمن میں ہے۔
اس بات پر زور دیتے ہوئے کہ متحدہ عرب امارات جمہوریہ جرمنی کے ساتھ تعلقات کو خصوصی اہمیت دیتا ہے عزت مآب شیخ عبداللہ بن زايد آل نهيان نے محترمہ اینالینا بيربوك کے دورے کا خیرمقدم کیا۔ نیز آپ نے کہا کہ دونوں دوست ممالک کی مشترکہ خواہش ہے کہ وہ تمام دستیاب مواقع میں سرمایہ کاری کریں تاکہ تمام شعبوں میں اپنی شراکت داری کو اس طرح مضبوط کیا جا سکے جس سے ان کے ترقیاتی اہداف کی حمایت ہو۔
اس مییٹنگ میں موسمیاتی تبدیلی اور ماحولیات کی وزیر محترمہ مريم بنت محمد سعيد حارب المهيری بھی موجود تھیں۔